Ég á kvennadeild, meðgöngudeild og fæðingardeild líf mitt að þakka…og barnanna minna þriggja, svo einfalt er það.
Ég á þrjú börn og fyrsta meðganga var áhættumeðganga vegna fóstureitrunar og ég lá á meðgöngudeild síðustu 4 vikurnar og fékk dásamlega umönnun..var síðan í fæðingu á þriðja sólarhring án deyfingar (þetta var 1980) og eignaðist síðan stóra og fallega stelpu ..17 merkur og 54 cm…en hún var á vökudeild í sólarhring vegna þess hvað fæðingin reyndi á hana..en var annars mjög spræk og heilbrigð.
1982 var ég ófrísk af öðru barni mínu og meðgangan hafði gengið mjög vel…en 5. desember þá tæpa 8 mánuði gengin fór að blæða mjög mikið og bara á 5-10 mínútum hafði ég misst mikið blóð. Ég hringdi upp á fæðingardeild og skýrði frá stöðunni og var mjög hrædd…ég var ein heima með 2 ára dóttur mína og bara grét. Sú sem ég talaði við náði að róa mig og sagði mér hvað ég ætti að gera.
Sjá meira á Facebooksíðu Lífs.